• مۇراجەتنامە
  • زاۋۇت
  • راسداۋا
  • ئەركىن
  • پۇتۇن

    350 نەپەر ئوفىتسېر-ئەسكەر يەڭنى تۈرۈپ قان تەقدىم قىلدى

    مەنبە : uy.ts.cn
    يوللانغان ۋاقىت : 17:13 25-02-2020
    تەھرىر : توغراق
    چوڭ
    ئوتتۇرا
    كىچىك
    خەت چوڭ - كىچىكلىكى >>


    تىيانشان تورى خەۋىرى(مۇخبىرىمىز ليۇ مېڭمېڭ خەۋىرى): 2-ئاينىڭ 22-كۈنى، قوراللىق ساقچى قىسىم شىنجاڭ باش ئەترىتى مەلۇم تارماق ئەترىتى ھەقسىز قان تەقدىم قىلىش پائالىيىتى ئۆتكۈزدى، 350 نەپەر ئوفىتسېر-ئەسكەر يەڭنى تۈرۈپ قان تەقدىم قىلىپ، ئۈرۈمچى شەھەرلىك قان مەركىزىنىڭ زاپاس قان تەييارلاش خىزمىتىگە ۋاقتىدا كۈچ قوشۇپ، پەۋقۇلئاددە مەزگىلدە كىلىنىكىدا ئىشلىتىلىدىغان قان بېسىمىنى ئۈنۈملۈك يېنىكلەتتى.


    2-ئاينىڭ 22-كۈنى، ئىككى كۆچمە قان تەقدىم قىلىش ئاپتوموبىلى قىسىم گازارما رايونىغا كىرىپ كەلدى، مۇخبىر نەق مەيداندا ئوفىتسېر-ئەسكەرلەرنىڭ بەزىلىرىنىڭ «قان تەقدىم قىلغۇچىلارنىڭ سالامەتلىك ئەھۋالى جەدۋىلى»نى تولدۇرۇش بىلەن ئالدىراش بولۇۋاتقانلىقىنى، يەنە بەزىلىرىنىڭ يەڭنى تۈرۈپ قان تەكشۈرتۈشنى كۈتۈپ تۇرۇۋاتقانلىقىنى كۆردى، تەقدىم قىلىنىۋاتقان ئىسسىق قانلار خەلق ئارمىيەسىنىڭ ئەسلىي مەقسىتى، بۇرچىنى نامايان قىلدى.


    «يۇقۇمنىڭ تەسىرىدە، 2020-يىلى چاغان مەزگىلىدە ئۈرۈمچى شەھەرلىك قان مەركىزىدە قان تەقدىم قىلىدىغان ئادەم قېتىم سانى ۋە قان تەقدىم قىلىش مىقدارى 2019-يىلى چاغان مەزگىلىدىكىدىن ئايرىم - ئايرىم ھالدا %43 ۋە %47 تۆۋەنلىدى. ئامباردىكى قان مىقدارى يۇقۇمدىن بۇرۇنقى 850 مىڭ مىللىلىتىردىن 350 مىڭ مىللىلىتىرغا چۈشۈپ قالدى، كۆپچىلىك ئۆيدىن چىقمىغان كۈنلەردىمۇ، كىلىنىكىدا قان ئىشلىتىش ئېھتىياجى ئازايمىدى، شۇڭا جەمئىيەتكە ياردەم تەلەپ قىلىش ئۇچۇرى چىقاردۇق» دېدى ئۈرۈمچى شەھەرلىك قان مەركىزىنىڭ مۇدىرى جاڭ خۇڭبىن.


    بۇ ئەھۋالدىن خەۋەر تاپقاندىن كېيىن، قوراللىق ساقچى قىسىم شىنجاڭ باش ئەترىتى مەلۇم تارماق ئەترىتى دەرھال ئوفىتسېر-ئەسكەرلەرنى قان تەقدىم قىلىشقا تەشكىللىدى. «مەن خۇاڭگاڭلىق، ئاتا-ئانام خۇبېيدا، يۇقۇم پەۋقۇلئاددە پەيتىدە، مەن ئۇلارغا ھەمراھ بولۇشقا ئامالسىز، شۇڭا قان تەقدىم قىلىش ئارقىلىق يۇقۇمغا تاقابىل تۇرۇشقا ئازراق بولسىمۇ كۈچ قوشسام دەيمەن» دېدى 19 ياشلىق خۇبېيلىق جەڭچى زېڭ ئاۋ.


    23 ياشلىق سىچۇەنلىك جەڭچى شياڭ كەيفېڭ 4-قېتىم قان تەقدىم قىلىشقا قاتناشتى. ئۇ مۇنداق دېدى: مېنىڭ شىنجاڭدا تۇرۇۋاتقىنىمغا بەش يىل بولدى، شىنجاڭ مېنىڭ يۇرتۇم، يۇرتۇمدىكى خەلق ئېھتىياجلىق بولغانىكەن، مەنمۇ بىر كىشلىك كۈچ قوشۇشۇم كېرەك. بۇمۇ مېنىڭ يەنە بىر خىل ئۇسۇلدا يۇقۇمنىڭ ئالدىنى ئېلىش-تىزگىنلەش، توسۇپ زەربە بېرىش جېڭىدە غەلىبە قىلىش ئۈچۈن كۈچ چىقارغىنىم ھېسابلىنىدۇ.


    شۇ كۈنى ئوفىتسېر-ئەسكەرلەر جەمئىي 70 مىڭ مىللىلىتىر قان تەقدىم قىلدى.

    مەنبە: http://uy.ts.cn/system/2020/02/24/036111970.shtml

    مەزمۇن ئاستى 660-50
    كۈرۈش4
    كۈرۈش بەت3
    بۈگۈنكى ئەڭ يېڭى خەۋەرلەر
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى