• مۇراجەتنامە
  • زاۋۇت
  • راسداۋا
  • ئەركىن
  • پۇتۇن

    BMW 3 يۈرۈشلىكىنىڭ GT تىپى رەسمىي ئىشلەپچىقىرىشتىن توختىدى

    مەنبە :
    يوللانغان ۋاقىت : 23:19 09-02-2020
    تەھرىر : ئادىل
    چوڭ
    ئوتتۇرا
    كىچىك
    خەت چوڭ - كىچىكلىكى >>

    ئورگان تەرەپتىن ئىگىلىنىشچە، ۋاكالەت كودى F34 بولغان BMW 3 يۈرۈشلىكى GT ئاپتوموبىل تىپى رەسمىي ئىشلەپچىقىرىشتىن توختىغان. گەرچە چەتئەل تاراتقۇلىرىنىڭ ھۆكۈم قىلىش ئاساسى BMWنىڭ 2020-يىللىق مەھسۇلات مۇندەرىجىسىدە يېڭى نۇسخىدىكى BMW 3 GT تىپى بولمىسىمۇ، ئەمما BMWنىڭ چەتئەل ئورگان تور بېتىدا 3 GT مەھسۇلات بېتىدىن BMWنىڭ بۇ ئاپتوموبىلنى 2019-يىلىنىڭ ئاخىرىدا ئىشلەپچىقىرىشتىن توختاتقانلىقى ھەققىدە بايانات ئېلان قىلغانلىقىنى كۆرۈۋالغىلى بولىدۇ.


    BMW 3 GT ئاپتوموبىلى 2012-يىلى رەسمىي ئورگان سۈرىتىنى ئېلان قىلغان ئىدى، 2013-يىلدىكى جەنۋە ئاپتوموبىل كۆرگەزمىسىدە يېڭى ئاپتوموبىل تۇنجى قېتىم رەسمىي ئېلان قىلىنغان، شۇ يىلى 4-ئايدا دۆلىتىمىز بازىرىغا كىرگۈزۈلگەن ئىدى. BMW 3 GT ئاپتوموبىلى خاسلىقى يېتەرلىك ساھە ھالقىغان شەكىلدىكى تاشقى قىياپىتى بىلەن داڭلىق، ئوخشاش سەۋەب تۈپەيلى BMW 3 GT چىقىرىلغاندىن كېيىن بېرىلگەن باھالار بىردەك بولمىدى، «ساياھەت ئاپتوموبىل مەدەنىيەتى» قويۇق بولمىغان دۆلىتىمىز بازىرىدا ئۇزۇن ئوقلۇق نۇسخىسى ۋە ئېگىز تورۇسلۇق GT 3 نۇسخىسى كۆپلىگەن ئىستېمالچىلارنىڭ قوللىنىشچان تاللىشى بولۇپ قالدى ھەم يوللاردىمۇ كۆپ ئۇچرايدىغان بولدى.

    2016-يىلى BMW 3نىڭ GT نۇسخىسى ئوتتۇرا مەزگىللىك ئۆزگەرتىلگەن نۇسخىسىنى تاماملىدى، يېڭى ئاپتوموبىل تاشقى قىياپەت ۋە سەپلىمىدە بىردەك ئەلالاشتۇرۇلغان، نۆۋەتتە دۆلىتىمىز بازىرىدا 2019-يىللىق BMW 3 يۈرۈشلىكى GT تىپىنىڭ ئۈچ خىل تىپى سېتىلىدۇ، باھاسى 359 مىڭ 800 يۈەندىن 449 مىڭ 800 يۈەنگىچە. ھازىرقى تىپىغا 2.0Tلىق ماتور سەپلەنگەن، ئەڭ چوڭ قۇۋۋىتى 184 ئات كۈچى ۋە 252 ئات كۈچى، ھەرىكەت ئۇزىتىش سىستېمىسىدا 8 خوتلۇق قول-ئاپتوماتىك بىرىككەن تېزلىك ئۆزگەرتكۈچ ماسلاشتۇرۇلغان، بۇنىڭدا 330i xDrive تىپىغا يەنە تۆت چاق سۆرەش سىستېمىسى سەپلەنگەن.


    مەزمۇن ئاستى 660-50
    كۈرۈش4
    كۈرۈش بەت3
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى