• مۇراجەتنامە
  • زاۋۇت
  • راسداۋا
  • ئەركىن
  • پۇتۇن

    ئىچكىرىدىكى شىنجاڭ تولۇق ئوتتۇرا سىنىپىنى پۈتكۈزگەنلەر دىققەت

    مەنبە : mp.weixin.qq.com
    يوللانغان ۋاقىت : 15:28 30-07-2019
    تەھرىر : ئادىل
    چوڭ
    ئوتتۇرا
    كىچىك
    خەت چوڭ - كىچىكلىكى >>

    ئىچكىرىدىكى شىنجاڭ تولۇق ئوتتۇرا سىنىپىنى پۈتكۈزگەن ئوقۇغۇچىلارنىڭ 2019-يىللىق ئادەتتىكى ئالىي مەكتەپلەر تولۇق كۇرس 2-تۈركۈمىگە ئوقۇغۇچى قوبۇل قىلىش خىزمىتى 7-ئاينىڭ 28-كۈنى باشلاندى

    خەلق تورى ئۇيغۇرچە قانىلىنىڭ 29-ئىيۇل بېيجىڭدىن بەرگەن تېلېگراممىسى: شىنجاڭنىڭ ئىچكىرىدىكى شىنجاڭ تولۇق ئوتتۇرا سىنىپىنى پۈتكۈزگەن ئوقۇغۇچىلارنى 2019-يىللىق ئادەتتىكى ئالىي مەكتەپلەر تولۇق كۇرس 2-تۈركۈمىگە ئوقۇغۇچى قوبۇل قىلىش خىزمىتى 7-ئاينىڭ 28-كۈنى باشلاندى، 7-ئاينىڭ 28-كۈنىدىن 30-كۈنىگىچە تولۇق كۇرس 2-تۈركۈمىنىڭ ئارخىپى چىقىرىلىپ، ئوقۇغۇچى قوبۇل قىلىنىدۇ.

    مۇخبىرنىڭ ئاپتونوم رايونلۇق مائارىپ ئىمتىھان مەھكىمىسىدىن ئىگىلىشىچە، 7-ئاينىڭ 31-كۈنى سائەت 8:00دىن 18:00گىچە، 2019-يىللىق ئادەتتىكى ئالىي مەكتەپلەرنىڭ ئىچكى ئۆلكىلەردىكى شىنجاڭ تولۇق ئوتتۇرا سىنىپلىرىنى پۈتكۈزگەن ئوقۇغۇچىلارنى قوبۇل قىلىش بويىچە 4-قېتىملىق ئارزۇ توپلاش (تولۇق كۇرس 2-تۈركۈمىنىڭ پىلان توشماي قالغان سانىغا ئارزۇ توپلاش) خىزمىتى ئىشلىنىدىكەن، 8-ئاينىڭ 1-كۈنىدىن 2-كۈنىگىچە ئارخىپ تارقىتىلىدىكەن؛ 8-ئاينىڭ 3-كۈنى سائەت 8:00دىن 18:00گىچە، 2019-يىللىق ئادەتتىكى ئالىي مەكتەپلەرنىڭ ئىچكىرىدىكى شىنجاڭ تولۇق ئوتتۇرا سىنىپلىرىنى پۈتكۈزگەن ئوقۇغۇچىلارنى قوبۇل قىلىش بويىچە 5-قېتىملىق ئارزۇ توپلاش (تولۇق كۇرس 2-تۈركۈمىنىڭ پىلان توشماي قالغان سانىغا 2-قېتىملىق ئارزۇ توپلاش) خىزمىتى ئىشلىنىدىكەن، 8-ئاينىڭ 4-كۈنىدىن 5-كۈنىگىچە ئارخىپ تارقىتىلىپ، ئوقۇغۇچى قوبۇل قىلىنىدىكەن. ئىمتىھان بەرگۈچىلەر ئارزۇ تولدۇرۇش بىلەن بىر ۋاقىتتا، كېيىنكى تۈركۈمدىكى ئارزۇنى ئۆزگەرتسە ياكى قايتا تولدۇرسا بولىدىكەن، قوبۇل قىلىنمىغان ئىمتىھان بەرگۈچىلەر ئالدىن تەييارلىق قىلسا بولىدىكەن.

    ئوقۇغۇچى قوبۇل قىلىش مەزگىلىدە، ئاپتونوم رايونلۇق مائارىپ ئىمتىھان مەھكىمىسى ئوقۇغۇچى قوبۇل قىلىش نەتىجىسىگە ئاساسەن، ئوقۇغۇچى قوبۇل قىلىش نەتىجىسىنى ۋاقتىدا ئېلان قىلىدۇ، ئىمتىھان بەرگۈچىلەر «شىنجاڭ ئوقۇغۇچى قوبۇل قىلىش تورى»دىكى «ئىچكىرىدىكى شىنجاڭ تولۇق ئوتتۇرا سىنىپىنىڭ ئادەتتىكى ئالىي مەكتەپلەرگە ئوقۇغۇچى قوبۇل قىلىش بويىچە توردا ئارزۇ تولدۇرۇش ۋە قوبۇل قىلىش نەتىجىسىنى سۈرۈشتۈرۈش» بېتىگە كىرىپ، «ئىمتىھان بېرىش نومۇرى، كىملىك نومۇرى ۋە مەخپىي نومۇرى» بويىچە ئۆزىنىڭ قوبۇل قىلىنىش نەتىجىسىنى سۈرۈشتۈرسە بولىدۇ.

    ئاپتونوم رايونلۇق مائارىپ ئىمتىھان مەھكىمىسى ئىمتىھان بەرگۈچىلەر ۋە ئاتا – ئانىلارنىڭ سەمىگە شۇنى سالىدۇكى، ئىمتىھان بەرگۈچىلەر ۋە ئاتا-ئانىلار ئوقۇغۇچى قوبۇل قىلىش خىزمىتىنىڭ ئىلگىرىلەش ئەھۋالىنى بىلمەكچى بولسا، «شىنجاڭ ئوقۇغۇچى قوبۇل قىلىش تورى» (新疆招生网)، «شىنجاڭ ئوقۇغۇچى قوبۇل قىلىش» (新疆招生) ھۆكۈمەت تەرەپ ئۈندىدارىدا ئېلان قىلىنغان ئالاقىدار ئۇچۇرلارغا دىققەت قىلسا بولىدۇ؛ ئىمتىھان بەرگۈچىلەر ۋە ئاتا-ئانىلارنىڭ ئەگەر گۇمانى بولسا، يېقىن ئەتراپتىكى ئوقۇغۇچى قوبۇل قىلىش ئىمتىھان ئاپپاراتىغا بېرىپ مەسلىھەت سورىسا ياكى ئاپتونوم رايونلۇق مائارىپ ئىمتىھان مەھكىمىسىنىڭ ئوقۇغۇچى قوبۇل قىلىش خىزمىتى مەسلىھەت سوراش ئورنىغا بارسا بولىدۇ ياكى ئاپتونوم رايونلۇق مائارىپ ئىمتىھان مەھكىمىسىنىڭ مەخسۇس لىنىيە تېلېفونى (8750000-0991)غا تېلېفون بېرىپ مەسلىھەت سورىسا بولىدۇ؛ ئەگەر ئوقۇغۇچى قوبۇل قىلىش ئالدامچىلىقى قاتارلىق ئەھۋاللارغا يولۇقسا، ئاپتونوم رايونلۇق مائارىپ ئىمتىھان مەھكىمىسىنىڭ پاش قىلىش، نازارەت قىلىش تېلېفونى (8758128-0991)غا تېلېفون قىلسا ياكى 110غا تېلېفون قىلىپ ئەھۋال ئىنكاس قىلسا بولىدۇ.

    مەنبە: خەلق تورى

    ئادرېسى: https://mp.weixin.qq.com/s/giESOJZKLGe88nBHrH2iAg


    مەزمۇن ئاستى 660-50
    كۈرۈش4
    كۈرۈش بەت3
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى