• مۇراجەتنامە
  • زاۋۇت
  • مۇراجەت
  • ئېچىملىك سۇ
  • پۇتۇن

    خاربىندا بىر مېھمانخانىغا ئوت كېتىپ، 20 ئادەم قازا قىلدى

    مەنبە : uyghur.people.com.cn
    يوللانغان ۋاقىت : 14:19 28-08-2018
    تەھرىر : ئادىل
    چوڭ
    ئوتتۇرا
    كىچىك
    خەت چوڭ - كىچىكلىكى >>


    خەلق تورى ئۇيغۇرچە قانىلىنىڭ 27- ئاۋغۇست بېيجىڭدىن بەرگەن تېلېگراممىسى: 26-ئاۋغۇست چۈشتىن كېيىن، خاربىن «25-ئاۋغۇست» سۇڭبېي رايونى ئوت ئاپىتى ھادىسىسىنىڭ ئەڭ يېڭى ئەھۋالىدىن خەۋەرلەندۈرۈش يىغىنىدىن ئىگىلىنىشىچە، 26-ئاۋغۇست سائەت 14كىچە، قۇتقۇزۇش خادىملىرى ئوت كەتكەن لوڭبېي ئارشاڭ ئىستىراھەت مېھمانخانىسىنىڭ ئۆرۈلۈپ چۈشكەن قىسمىنىڭ ئاستىدا يەنە بىر قازا قىلغۇچىنى بايقىغان، ھازىرغىچە ئوت ئاپىتى ھادىسىسىدە 20 ئادەم قازا قىلغان. نۆۋەتتە، قۇتقۇزۇش خىزمىتى پۈتۈنلەي ئاخىرلاشقان.

      قايتا-قايتا ئىنچىكە تەكشۈرۈش ئارقىلىق بايقىلىشىچە، لوڭبېي ئارشاڭ ئىستىراھەت مېھمانخانىسىدا 24-ئاۋغۇست كەچتە 115 مېھمان تۇرغان. 26-ئاۋغۇست سائەت 14كىچە، ئىلگىرىكى نەق مەيداننى تازىلاش ئاساسىدا، چوڭ تىپتىكى قېزىش ئۈسكۈنىلىرى نەق مەيدانغا كىرەلمىگەن ئەھۋال ئاستىدا، يىغىلىپ قالغان سۇنى پۈتۈنلەي تارتىۋەتكەندىن كېيىن، قۇتقۇزۇش خادىملىرى ئۈچ مېتىر قېلىنلىقتىكى ئۆرۈلۈپ چۈشكەن قىسمىنى ئومۇميۈزلۈك ئۈزۈل-كېسىل تازىلاپ، ئاخىرىدا يەنە بىر قازا قىلغۇچىنى تاپقان. ھازىرغىچە توققۇز قازا قىلغۇچىنىڭ ئائىلە تاۋابىئاتى خاربىنغا بېرىپ، قازا قىلغۇچىلارنىڭ سالاھىيىتىنى بېكىتكەن.

      8-ئاينىڭ 25-كۈنى سەھەردە، خاربىن شەھىرى سۇڭبېي رايونىدىكى لوڭبېي ئارىشاڭ مېھمانخانىسىدا ئوت ئاپىتى ھادىسىسى يۈز بېرىپ، ئوت كەتكەن كۆلەم تەخمىنەن 400 كىۋادرات مېتىرغا يەتتى. ۋەقە يۈز بەرگەن مېھمانساراينىڭ قانۇنىي ۋەكىلى جاڭ Xپىڭ ئوت مۇداپىئە جاۋابكارلىق ھادىسىسى جىنايىتى ئۆتكۈزۈشكە چېتىشلىق بولغانلىقتىن، شۇ كۈنى جىنايى ئىشلار بويىچە توختىتىپ قويۇلدى، ئۇنىڭدىن باشقا بۇ مېھمانخانىنىڭ ئىككى باشقۇرغۇچى خادىمى تەكشۈرۈلمەكتە.

    مەزمۇن ئاستى 660-50
    كۈرۈش4
    كۈرۈش بەت3
    توك پار
    مۇشۇ تۈردىكى ئەڭ يېڭى خەۋەرلەر
    بەخىت دوختۇر خانىسى